يا سواق

هتكلم باختصار شديد عن السواقين  
الاجرة ! 
سواق الميكروباص الناس بتخاف منه

"  هتقولى ياعم دول مستغليين ولاد ,,, وولاد ,, بمنتهى البساطة هقولك انت شايفهم اوساخ بس مش كلهم
 هتقولى بس الاغلبية هقولك طب ما انت ابن ناس ومصاحب ولاد وسخة عادى ودول اغلبية اهم !"
دايماً علشان تحكم على حد _مع الاختلاف ان ملكش الحق انك تحكم على حاجة  متخصكش ما علينا_ لازم تُحط نفسك مكانه/مكانها 

عليك أقساط 
الطريق زحمة وزى الزفت 
الجو حر 
نازل بتحاول تجيب 10 20 30 جنيه فى الدورة وعايز تجرى وتخلص علشان تعمل  اكبر عدد علشان تطلع برزق 
الرُخص "لو معاه يعنى "بتتسحب ! 
وبعد كُل ده تلاقيه عمال يتقال عليك انت بيئة ! انت زبالة انت وانت وانت 
 يا راجل ده انت لو واحد صاحبك او صاحبتك قالت عليك كلمة من ضهرك بتفضل فى حالة نفسية وحشة اومال ده يعمل ايه بقى ؟ 
مش بقولك انهم غلابة وتسيب ليهم الاجرة ولا غصب عنك تحترمهم 
لا انت تاخد حقك وهو ياخد حقه بس ملهاش اى تلاتين لازمة انك تعمل فيها شبح ومفتح وانت كده كده بيضحك عليك كل يوم من اى حد وتيجى عليه وكده كده مش بتعرف تاخد حقك برضوا 

مش عايز حاجة منهم كنت عايز ليهم الحياة 
 بينزلوا فى الويك اند بتاعهم علشان ينساه 

الجمال مش كل حاجة يا ماما

تدخل الام لتحاول اقناع ابنها الاوسط بالجواز من ابنة اختها نيهال 
"يابنى البنت حلوة وقصيرة وجميلة اهى اومال مالك بقى مش عايزها ليه ؟ " 
فينظر الابن فى حسرة وحُزن الى امه ويحاول ان يصمت 
فتسرع الام 
"يابنى ديه حتة فى كلية من كليات القمة وانت محتاج واحدة زيها كده " 
لا يستطيع الابن الصمت كثيراً فـ يتجول على موقع التواصل الاجتماعى ليرى صور بنت خالته نيهال 
ولكن الام لا تصمت عن الحديث عنها 
"ديه هى اللى هتصونك وهتحميك يابنى ديه مفيش زيها والله " 
يبدأ الابن بالحديث الآن والغضب يبدوا عليه 
"ياماما ديه اسمها فوتنة ياماما بعدين جمال ايه اللى بتتكلمى عليه ديه هى اسمها فوتنة جمال اصلاً ! " 
تبدأ الام فى النقاش 
"يعنى انت عايز واحدة اسمها ماريهان او ديمة وعايزها من بلاد برا "الكفرة "دول وتقولى حلاوة ! " 
فيسرع الابن 
"بس ياماما انا مقولتش حلاوة انا عارف ان حلاوة الشخصية هى الاهم بس ديه مش مظهر ولا وجهة بالنسبة ليا ديه  "
فتغضب الام 
"يعنى انت مش عاجبك بنت خالتك نيهال اللى فى كلية القمة يا فاشل ؟ يعنى هتضحك الناس علينا ؟ " 
" ! بس يا ماما ديه فوتنة هتجوز فوتنة "
الدموع فى عينين الابن البار
فيرق قلب الام لتقول 
"يا حبيبى ديه هى حلوة وهتصونك والله وهى اللى هتشيل اسمك واهو انت بتتجوز من العيلة 

فجأة ينهار الابن فى البكاء ثم يمسح دموعه المبللة لخديه ثم يقول لامه
 "فين الحلاوة ديه اصلاً يا ماما ديه فى هندسة قسم ميكانيكا باور Fakss31"
فتضحك الام وتهوش امه بالشمال وترزعه على قفاه باليمين وتقولوا يبقى هتتجوزها بروح امك يا فاشل يا بتاع تجارة يا فاشل :D 

كلمة فشخ والشتيمة مش روشنة

هو ايه كلمة فشخ ديه ؟ 
طب ديه زيها زى باقى الكلمات بقت مجرد كلمة الواحد متعود عليها ؟ 

 الاجابة اه هى بقت موضة وهتروح عادى وبتستخدم كتير "فشخ"فى غير مكانها 
 كلمة فشخ المفروض لغوياً حاجة كده زى Extremely  
فشخ زيادة عن الحد الطبيعى وممكن تسُتخدم فى مجال الكورة 
مثاااال

"الاهلى اتفشخ من مونتيرى او اتاخد ورا مصنع الكراسى فى ليبيا " كده مثلاً 
او سيد معوض اتفشخ كام كوبرى فى الماتش كده لوز 

وممكن تستخدم فى حالنا حالياً 
الشباب عمال يتفشخ 
واللى هو انا طالع عينى مثلاً اقول انا مفشوخ المفعول بتاع الفشخ مفشوخ 
بس انا مسمعتش قبل كده حد بيقول انا الفاشخ غريبة يعنى عمرك فكرت ليه ؟ 
اقولك انا ؟
علشان اللى بيتفشخ دايماً بيكون مفعول به بمعنى اصح ان هو اللى بيحصل فيه الحدث ده اللى هو الفشخ اللى بيحصل فيه دايماً 
كلمة فشخ عيب ؟ 
انا شايفها لا 
طب وانت ايه رأيك فى البنات الشمال اللى بيقولوا فشخ ؟ 
مفيش حاجة اسمها البنت كذا او كذا اللى يمشى عليك يمشى عليها واللى الدين يمنعه عليك بمنعه عليها مع بعض الفوارق الفقيه اللى مليش علاقة بيها حالياً يعنى 

Loading 

اااه طب بوص يابرنس احنا بقى نتفق ان كل اللى بيقول فشخ شمال اشطة ؟ 
اشطة 
انت بتقول فشخ ؟ 
اه 

بس يا شمال 

كوابيس

فى احد شهور السنة وفى ليلة برد شوية الساعة يجيلها 3 الفجر الواحد يقرر انه ينام , يبدا يحضر للنوم يشرب يطفى النور يتقلب على السرير ويفضل يبُص للسقف مع انك اوقات كتير مش بتشوفوا لان الدنيا بتبقى ضلمة 
تغمض عينيك تنام وتسرح فى النوم اه تسرح فى النوم 

الدنيا سكوت والجو برد وانت متغطى كويس فجأة تشوف يجرى وراك واحد تنط فى بيت مهجور متعرفش بتاع مين ولا هتخرج منه ازاى تبدأ تدور على امك مش لقيها ولا اخواتك المهم تبدأ تشوف مين ده طيب ,الراجل بيطلع يجرى وراك يقبض عليك وينزل فيك ضرب ولسه مع اول قلم هينزل على وشك تلاقى نفسك بترمى نفسك من ارتفاع 500 متر شايف الدنيا كلها من فوق والعمارات صغيرة والارض بتقرب من وشك الجو برد نسيم الهوا بيعدى بمنتهى الجمال 
ومع اقتراب فشخك فى الارض فجأة تقوم تلاقى نفسك تحت سرير حد تعرفه من العيلة تسأل انا ايه اللى جابنى هنا وانا هنا ليه ؟!
ولسه هتجاوب تلاقى نفسك قدام سوبر ماركت عم ايمن وهو بيديك الباقى لبان ولسه هتاكل او لبانة تلاقى واحد راكب عربية راح ماسكك وجرك على الارض ولسه هتحس بالوجع تلاقى نفسك راكب Race 
المهم انه بيتقلب بيك 
فجأة بتلاقى نفسك من جيش المقاومة الفلسطينية وجيش الاحتلال دايماً بيدخل بيتك واول ما الرصاصة تدخل جسمك 
تكسرها صرخه لااااااااااااااااااااااااااااااااااااااااا
وش امك فى وشك والساعة 8 الصبح وهى مش بتقول الا  يا خسااارة التربية يا ريتنى كنت جيبت اتنين كيلوا بطاطس كنت هستفاد بيهم قوم يا حبيبى وراك حاجات كتير انهاردة ! 
ايه ده ده انا حى ! 
مع ابتسامة سخيفة كده وتبدأ يومك خير يارب صباح الخير يا امى فيه فطار ؟ 
قوم جيب فطار يالا 
استنى هو انا كنت بحلم طب انا مش فاكر الحلم ويومك يمشى عادى لغاية لما تنام تانى
وهكذا بقالى اسبوعين ! #كوابيس

اهو اى هرى

تخيل نفسك مش انت
تخيل نفسك مخلوق تانى مثلاً انسان آلى مع العلم انك انسان الى يعنى بس ما علينا
 شايف نفسك ازاى طب فكرت ازاى الناس هتستفاد منك مثلاً ؟ لو كنت جماد مثلا ايه الفايدة منك ؟
اصلاً فكر هيبقى ليك لازمة ؟ اه هيبقى ليك تخيل نفسك موبايل اندرويد مثلاً ليك فوائد وبتسعد ناس كتير فشخ او مثلاً لاب توب برضوا
طب اسرح بخيالك فكرت انت هتعيش ازاى لو مكنتش هنا جوا جسم انسان بعقل يعُتبر بشرى يعنى
انا كذا مرة افكر طيب هو انا لو مكنتش هنا هبقى فين او مثلا انا لو ابويا وامى مكنوش ابويا وامى وكانوا ابوا وام حد تانى وانا اتولدت لاب وام تانيين هل هعرفهم ابويا وامى الاوليين ؟
طيب سيبك فكرت هو انت ايه فايدتك فى الحياة ؟
نايم صاحى مقطوع عنك النور مقطوع عنك المايه عايش عامل فيها عميق مصاحب بنات فرقت ايه عن الحيوان ؟
عرفت ان الاندرويد ليه ميزة بقى
#هرى